ஐக்கிய முற்போக்குக் கூட்டணி அரசு பற்றி காங்கிரஸ் தலைவர்களி எவர் பேட்டி கொடுத்தாலும் சரி. அவர்கள் வாயில் இருந்து வெளிவரும் முக்கியமான மூன்று வார்த்தைகள்என்னென்ன தெரியுமா?
'அன்னை சோனியாவின் வழிகாட்டுதலின்படி...'
இவற்றை உச்சரித்த பிறகுதான் அடுத்த வார்தையே வெளியில் வரும். சோனியா என்ற ஒற்றை நபர்தான் காங்கிரஸ் கட்சிக்கு இருக்கும் ஒரே நம்பிக்கை நட்சத்தி்ரம். சோனியாவின் தலைமையிலான காங்கிரஸ், கடந்த நாடாளுமன்றத் தேர்தலில் கூட்டணி அமைத்துப் போட்டியிட்டு, ஆட்சி அமைத்து, ஐந்து ஆண்டுகளைக் கடந்து அடுத்த தேர்தலை சந்திக்கத் தயாராகி உள்ளது.
ஐந்து ஆண்டுகளும் ஆட்சி மன்மோகன் சிங் வசம் இருந்தாலும்கூட கட்சி, ஆட்சி என்ற இரண்டு குதிரைகளுக்கான லகான்களும் சோனியா வசம் மட்டுமே இருந்தது. இனியும் அப்படித்தான் இருக்கும் என்றே தோன்றுகிறது.
இந்தச் சூழ்நிலையில் சோனியா என்பவர் எப்படிப்பட்டவர், அவருடைய வாழ்க்கைப்பின்னணி என்ன? அரசியலில் எந்த அளவுக்கு அவருக்கு ஆர்வமும் அனுபவமும் இருந்தது? கட்சித் தலைவர்கள் அவரை எப்படி ஏற்றுக்கொண்டனர்? இப்படிப் பல விஷயங்களையும் வாசகர்களுக்குச் சுருக்கமாக அறிமுகம் செய்யும் வகையில் மினிமேக்ஸ் 'சோனியா' என்ற புத்தகத்தை வெளியிட்டுள்ளது.
புத்தகத்தை எழுதியிருப்பவர் அஜிதன். இயற்பெயர் அசோகன். தமிழின் முக்கியமான பத்திரிகையாளர். த சண்டே இந்தியன் என்ற பத்திரிகையின் தமிழ்ப்பதிப்புக்கான ஆசிரியராகப் பணியாற்றுகிறார்.
புத்தகத்தை இணையத்தில் வாங்க
No comments:
Post a Comment