ஆர். முத்துக்குமார்
இந்திய தேர்தல் களம் சூடுபிடித்துவிட்டது. தற்போதைய சூழலில் மொத்தம் மூன்று அணிகள் களத்தில் இருக்கின்றன. காங்கிரஸ் தலைமையிலான ஐக்கிய முற்போக்குக் கூட்டணி. கடந்தமுறை பிரதமர் வேட்பாளர் யார் என்பதில் தடுமாற்றம் காட்டிய இந்த அணி தற்போது மன்மோகன் சிங்கே பிரதமர் வேட்பாளர் என்று அறிவித்து தேர்தலை எதிர்கொண்டுள்ளது.
பாரதிய ஜனதா தலைமையிலான அணியின் பிரதமர் வேட்பாளர் லால் கிருஷ்ண அத்வானி. கடந்த தேர்தலில் பிரதமர் வேட்பாளராக முன்னிறுத்தப்பட்ட வாஜ்பாய் இந்த தேர்தலில் போட்டியிடவே இல்லை.
இடதுசாரிகள் தலைமையிலான மூன்றாவது அணியில் இருக்கும் முக்கியமான பிரச்னையே யார் பிரதமர் வேட்பாளர் என்பதுதான். தலைவர்கள் அதிகம் கொண்ட அணி என்பதால் சிக்கல்களுக்கும் பஞ்சமில்லை. இவர்கள் தவிர, பகுஜன் சமாஜ் கட்சியின் தலைவி மாயாவதி தேசிய அளவில் தன்னுடைய வேட்பாளர்களைக் களமிறக்கியுள்ளார். உ.பி மற்றும் பிகாரில் லாலு, முலாயம் சிங் யாதவ், ராம் விலாஸ் பாஸ்வான் மூவரும்
அணி அமைத்துள்ளனர்.
அடுத்த பிரதமரைத் தேர்வு செய்யவேண்டிய பொறுப்பு அநேகமாக இடதுசாரிகள் மற்றும் மாயாவதியின் கரங்களில் இருப்பது போலவே தோன்றுகிறது. பார்க்கலாம்.
Tuesday, March 31, 2009
Saturday, March 28, 2009
79 பக்கங்களில் ஒரு சவால் - அ. குமரேசன்
உங்களுடைய ‘அ.தி.மு.க.’ புத்தகம் படித்தேன். அது தொடர்பான சில எண்ணங்களை உங்களுடன் பகிர்ந்துகொள்கிறேன்.
அரசியலே வேண்டாம் என்று ஒதுங்கியிருப்பவர்களுக்கு அரசியல் கட்சிகள் பற்றித் தெரிந்துகொள்ளும் தூண்டுதலை அளிப்பதில் உங்கள் புத்தகம் வெற்றிபெறுகிறது. அரசியல் அக்கறை இருந்தாலும் போதிய தகவல் ஞானமின்றி தற்போதைய நிகழ்வுகளை மட்டுமே பார்த்துக் கொண்டிருப்பவர்களுக்கும் ஒரு முழுமையான பார்வையை வளர்த்துக்கொள்ளும் முனைப்பை நிச்சயமாக இந்தப் புத்தகம் ஏற்படுத்துகிறது. ஒரே வாசிப்பில் புத்தகத்தை முடிக்கத் தூண்டுகிற எளிய, விறுவிறுவென்ற, சுவாரசியமான அடுக்கு நடை முக்கியமான பலம். புத்தக வாசிப்பிலிருந்தே நழுவிக் கிடப்போருக்கும் ஆர்வத்தைத் தூண்டுவது இது. அவ்வகையில் இது ஒரு சேவை.
சில எழுத்துக் குறைபாடுகள் உள்ளன. உதாரணமாக, புத்தகத் தலைப்பிலேயே ‘ அ.தி.மு.க ’ என்று, முதல் மூன்று எழுத்துக்களை அடுத்துப் புள்ளிகள் வைக்கப்பட்டிருக்கின்றன. கடைசி எழுத்தாகிய ‘க’ அப்படிப் புள்ளியோடு முடியாமல் நிற்கிறது. ஒன்று, கடைசியில் வரும் ‘க’ என்ற எழுத்துக்கும் புள்ளி வைத்திருக்க வேண்டும். அல்லது, அந்தப் புள்ளிகளே இல்லாமல் அதிமுக என்றே எழுதலாம். பத்திரிகைகளில் திமுக, சிபிஎம், சிபிஐ, மதிமுக, தேமுதிக, சிபிஐ(எம்எல்) என்று எழுத்தையடுத்த புள்ளி இல்லாமல்தான் எழுதுகிறார்கள்.
முதலமைச்சராகப் பதவியேற்ற பின், அரசுப் பணிகளிலும் கல்வி நிறுவனங்களிலும் பிற்படுத்தப்பட்டோருக்கு 69 சதவீத இட ஒதுக்கீடு கொண்டு வந்தது (பின்னர் அது நீதிமன்றத்தில் போய் சிக்கிக்கொண்டது), மிக மிகச் சாதாரணமானவர்களை அமைச்சர்காளாக்கியது, தொடக்க ஆண்டுகளில் மேல்மட்ட ஊழலைக் கட்டுப்படுத்தியது போன்ற நடவடிக்கைகளும் எம்ஜிஆர் பற்றிக் குறிப்பிடப்பட வேண்டியவை. பொதுவாகவே அவரிடத்தில் மற்றவர்களுக்கு உதவிடும் குணம் இருந்தது என்பதும் ஒரு அடிப்படையான பலம்.
ஜெயலலிதாவைப் பொறுத்தவரையில் அவர் எப்படி எம்ஜிஆருக்குப் பிறகு கட்சியின் தலைவர் தான்தான் என்பதை நிறுவினார் என்ற பின்னணியை சரியாகவே குறிப்பிட்டிருக்கிறீர்கள். அப்படியொரு கட்சியின் சூழலில் தலைமையிடத்தைப் பிடிக்கிற போராட்டத்தில் பெரும் வெற்றிபெற்றவர் அவர். ஒரு பெண் என்ற வகையில் இது ஒரு சாதனையும் கூட.
அவரது ஆட்சிக்காலத்தில் மேற்கொள்ளப்பட்ட சில ஆக்கப்பூர்வ நடவடிக்கைகளும் சில ஆளுமைகளும் குறிப்பிடத்தக்கவை. மாநிலம் முழுவதும் நிலவிய குடிநீர்த் தட்டுப்பாட்டை சமாளித்தது; தமிழர் விரோதி என முத்திரை குத்தப்படும் என்று தெரிந்தும் விடுதலைப் புலிகள் பற்றிய தம் கருத்தை வெளிப்படுத்தியது; காஞ்சி சங்கராச்சாரிகள் கைது; அகில இந்திய அரசியலில் தலையீடு...இப்படி நிறைய இருக்கின்றன.
அவரது சில எதிர்மறை அம்சங்களும் குறிப்பிடப்படவேண்டியவை: கட்சிக்குள் ஜனநாயகமின்மை, போட்டி இந்துத்வா கட்சி போல் நடந்துகொண்டது, அயோத்தி மசூதி இடிப்புக்கு ஆதரவு, கரசேவைக்கு ஆள் அனுப்பியது, பாஜகவுக்கு தமிழகத்தில் ஒரு அரசியல் அங்கீகாரம் கிடைக்கச் செய்தது ...
-இப்படிப்பட்ட தகவல்களும் சேர்க்கப்பட்டிருந்தால் புத்தகம் மேலும் சிறப்பாக வந்திருக்கும்.
அதே நேரத்தில், 79 பக்கங்களுக்குள் எழுதியாக வேண்டிய வரம்புக்குள் செயல்பட்டிருக்கிறீர்கள் என்பதைப் புரிந்துகொள்கிறேன். முழுமையான முழுமை என்பது எவருக்கும் ஒரு பெரிய சவால்தான். முழுமையாக சாத்தியமாகாத சவால். எனக்கும்தான்.
புத்தகத்தில் நீங்கள் குறிப்பிட்டிருக்கிற பல தகவல்கள் எனக்கு அதைப் படிப்பதற்கு முன் தெரியாது. அந்தத் தகவல்களை சேகரிப்பதற்கு நீங்கள் சிரத்தையோடு முயன்றதால்தான் இந்தப் புத்தகம் முதலில் குறிப்பிட்ட வெற்றியைப் பெற்றிருக்கிறது. ஆயினும் ஊடகவியலாளர் என்ற முறையில், எழுத்தாளர் என்ற முறையில் நமக்கேது முழு திருப்தி?
அடுத்தடுத்த புத்தகங்களில் மேலும் மேலும் ஆழம் காண வாழ்த்துக்கள்.
அன்புடன்-
அ. குமரேசன்
0
'கட்சிகளின் கதை' வரிசையில் மினிமேக்ஸ் மூலம் வெளியாகியுள்ள 'அ.தி.மு.க' புத்தகம் குறித்து பத்திரிகையாளர், தீக்கதிர் இதழின் தலைமைச் செய்தியாளர், ஊடக விமரிசகர் அ. குமரேசன் அவர்களின் பார்வை இது.
புத்தகத்தை இணையத்தில் வாங்க
அரசியலே வேண்டாம் என்று ஒதுங்கியிருப்பவர்களுக்கு அரசியல் கட்சிகள் பற்றித் தெரிந்துகொள்ளும் தூண்டுதலை அளிப்பதில் உங்கள் புத்தகம் வெற்றிபெறுகிறது. அரசியல் அக்கறை இருந்தாலும் போதிய தகவல் ஞானமின்றி தற்போதைய நிகழ்வுகளை மட்டுமே பார்த்துக் கொண்டிருப்பவர்களுக்கும் ஒரு முழுமையான பார்வையை வளர்த்துக்கொள்ளும் முனைப்பை நிச்சயமாக இந்தப் புத்தகம் ஏற்படுத்துகிறது. ஒரே வாசிப்பில் புத்தகத்தை முடிக்கத் தூண்டுகிற எளிய, விறுவிறுவென்ற, சுவாரசியமான அடுக்கு நடை முக்கியமான பலம். புத்தக வாசிப்பிலிருந்தே நழுவிக் கிடப்போருக்கும் ஆர்வத்தைத் தூண்டுவது இது. அவ்வகையில் இது ஒரு சேவை.
சில எழுத்துக் குறைபாடுகள் உள்ளன. உதாரணமாக, புத்தகத் தலைப்பிலேயே ‘ அ.தி.மு.க ’ என்று, முதல் மூன்று எழுத்துக்களை அடுத்துப் புள்ளிகள் வைக்கப்பட்டிருக்கின்றன. கடைசி எழுத்தாகிய ‘க’ அப்படிப் புள்ளியோடு முடியாமல் நிற்கிறது. ஒன்று, கடைசியில் வரும் ‘க’ என்ற எழுத்துக்கும் புள்ளி வைத்திருக்க வேண்டும். அல்லது, அந்தப் புள்ளிகளே இல்லாமல் அதிமுக என்றே எழுதலாம். பத்திரிகைகளில் திமுக, சிபிஎம், சிபிஐ, மதிமுக, தேமுதிக, சிபிஐ(எம்எல்) என்று எழுத்தையடுத்த புள்ளி இல்லாமல்தான் எழுதுகிறார்கள்.
முதலமைச்சராகப் பதவியேற்ற பின், அரசுப் பணிகளிலும் கல்வி நிறுவனங்களிலும் பிற்படுத்தப்பட்டோருக்கு 69 சதவீத இட ஒதுக்கீடு கொண்டு வந்தது (பின்னர் அது நீதிமன்றத்தில் போய் சிக்கிக்கொண்டது), மிக மிகச் சாதாரணமானவர்களை அமைச்சர்காளாக்கியது, தொடக்க ஆண்டுகளில் மேல்மட்ட ஊழலைக் கட்டுப்படுத்தியது போன்ற நடவடிக்கைகளும் எம்ஜிஆர் பற்றிக் குறிப்பிடப்பட வேண்டியவை. பொதுவாகவே அவரிடத்தில் மற்றவர்களுக்கு உதவிடும் குணம் இருந்தது என்பதும் ஒரு அடிப்படையான பலம்.
ஜெயலலிதாவைப் பொறுத்தவரையில் அவர் எப்படி எம்ஜிஆருக்குப் பிறகு கட்சியின் தலைவர் தான்தான் என்பதை நிறுவினார் என்ற பின்னணியை சரியாகவே குறிப்பிட்டிருக்கிறீர்கள். அப்படியொரு கட்சியின் சூழலில் தலைமையிடத்தைப் பிடிக்கிற போராட்டத்தில் பெரும் வெற்றிபெற்றவர் அவர். ஒரு பெண் என்ற வகையில் இது ஒரு சாதனையும் கூட.
அவரது ஆட்சிக்காலத்தில் மேற்கொள்ளப்பட்ட சில ஆக்கப்பூர்வ நடவடிக்கைகளும் சில ஆளுமைகளும் குறிப்பிடத்தக்கவை. மாநிலம் முழுவதும் நிலவிய குடிநீர்த் தட்டுப்பாட்டை சமாளித்தது; தமிழர் விரோதி என முத்திரை குத்தப்படும் என்று தெரிந்தும் விடுதலைப் புலிகள் பற்றிய தம் கருத்தை வெளிப்படுத்தியது; காஞ்சி சங்கராச்சாரிகள் கைது; அகில இந்திய அரசியலில் தலையீடு...இப்படி நிறைய இருக்கின்றன.
அவரது சில எதிர்மறை அம்சங்களும் குறிப்பிடப்படவேண்டியவை: கட்சிக்குள் ஜனநாயகமின்மை, போட்டி இந்துத்வா கட்சி போல் நடந்துகொண்டது, அயோத்தி மசூதி இடிப்புக்கு ஆதரவு, கரசேவைக்கு ஆள் அனுப்பியது, பாஜகவுக்கு தமிழகத்தில் ஒரு அரசியல் அங்கீகாரம் கிடைக்கச் செய்தது ...
-இப்படிப்பட்ட தகவல்களும் சேர்க்கப்பட்டிருந்தால் புத்தகம் மேலும் சிறப்பாக வந்திருக்கும்.
அதே நேரத்தில், 79 பக்கங்களுக்குள் எழுதியாக வேண்டிய வரம்புக்குள் செயல்பட்டிருக்கிறீர்கள் என்பதைப் புரிந்துகொள்கிறேன். முழுமையான முழுமை என்பது எவருக்கும் ஒரு பெரிய சவால்தான். முழுமையாக சாத்தியமாகாத சவால். எனக்கும்தான்.
புத்தகத்தில் நீங்கள் குறிப்பிட்டிருக்கிற பல தகவல்கள் எனக்கு அதைப் படிப்பதற்கு முன் தெரியாது. அந்தத் தகவல்களை சேகரிப்பதற்கு நீங்கள் சிரத்தையோடு முயன்றதால்தான் இந்தப் புத்தகம் முதலில் குறிப்பிட்ட வெற்றியைப் பெற்றிருக்கிறது. ஆயினும் ஊடகவியலாளர் என்ற முறையில், எழுத்தாளர் என்ற முறையில் நமக்கேது முழு திருப்தி?
அடுத்தடுத்த புத்தகங்களில் மேலும் மேலும் ஆழம் காண வாழ்த்துக்கள்.
அன்புடன்-
அ. குமரேசன்
0
'கட்சிகளின் கதை' வரிசையில் மினிமேக்ஸ் மூலம் வெளியாகியுள்ள 'அ.தி.மு.க' புத்தகம் குறித்து பத்திரிகையாளர், தீக்கதிர் இதழின் தலைமைச் செய்தியாளர், ஊடக விமரிசகர் அ. குமரேசன் அவர்களின் பார்வை இது.
புத்தகத்தை இணையத்தில் வாங்க
Thursday, March 26, 2009
எல்லாக் கட்சிகளும் சனியன்தான் - ராமதாஸ்
'தமிழ்நாட்டில் சிங்கிள் லார்ஜஸ்ட் கம்யூனிட்டி வன்னியர்கள். ஆனால் அனைத்து துறைகளிலும் நாங்கள் ஒதுக்கப்பட்டிருக்கிறோம். அரசியலில் பாருங்கள். நாங்கள் முதல் மந்திரி ஆனதேயில்லை. கட்சித் தலைவர்களாகக்கூட ஆனதில்லை. டெல்லியில் குட்டி மந்திரியாகக்கூட ஆனதில்லை. சுதந்தரத்தால் எங்களுக்கு என்ன நன்மை கிடைத்தது? அதனால்தான் நாங்கள் இப்போது எந்தக் கட்சியையும் ஆதரிக்கவில்லை.
காங்கிரஸ் ஆட்சியை இருபது ஆண்டுகாலம் பார்த்துவிட்டோம். நன்மையில்லை. தி.மு.க ஆட்சி செய்தபோது பண்ருட்டி ராமச்சந்திரன் வன்னியர்களுக்கு இட ஒதுக்கீடு கொடுப்பது சம்பந்தமாக சட்ட ஆலோசனையை எல்லாம் திரட்டிக் கொடுத்தார். அப்படியிருந்தும் அந்த ஃபைலை யாரும் சட்டை செய்யவில்லை. அதிமுகவும் பத்து வருடம் ஆண்டது. நன்மை எதுவும் வரவில்லை.
ஆகையால், கட்சி என்றாலே எங்களுக்கு இப்போது வெறுப்பாக இருக்கிறது. அதனால்தான் வோட்டு போடுவதில்லை என்று முடிவு செய்திருக்கிறோம். எல்லாக் கட்சியுமே சனியன்தான். இதில் எந்த சனியன் தேவலாம் என்றால் எப்படி பதில் சொல்வது. இன்றைக்குள்ள அரசியல் சூழ்நிலையில், புத்தியுள்ள மக்கள் வோட்டுச் சாவடிக்குப் போகமாட்டார்கள்.'
- எண்பதுகளின் பிற்பகுதியில் ஜூனியர் விகடன் இதழுக்கு ராமதாஸ் அளித்த பேட்டியிலிருந்து.
வன்னியர் சங்கத்தில் இருந்து பாட்டாளி மக்கள் கட்சி உருவான கதையை மினிமேக்ஸ் புத்தகமாக வெளியிட்டுள்ளது. அந்தப் புத்தகத்தில் வன்னியர்களின் அடிப்படை கோரிக்கைகள் என்ன? அதை வலியுறுத்தி நடத்தப்பட்ட போராட்டங்கள், அரசியல் கட்சியாக மாறுவதற்கு எது அடிப்படையாக இருந்தது, கூட்டணி அரசியலில் பாமக இறங்கியதற்கு என்ன காரணம்? பாமக மீது வைக்கப்படும் விமரிசனங்கள் என்னென்ன? இப்படி பல முக்கிய விஷயங்களையும் இந்தப் புத்தகம் விவாதித்துள்ளது.
புத்தகத்தை எழுதியவர் ஆர். முத்துக்குமார். கிழக்கு பதிப்பகத்தின் முதன்மைத் துணை ஆசிரியராகவும் MiniMaxன் பொறுப்பாசிரியராகவும் இயங்கிவருகிறார். குமுதம் ரிப்போர்ட்டர், ஜூனியர் விகடன் இதழ்களில் நடப்பு அரசியல் பற்றித் தொடர்ந்து கட்டுரைகள் எழுதிவருகிறார். அன்புள்ள ஜீவா, இந்திரா, பெரியார், மினிமேக்ஸ் வழியாக தி.மு.க, அ.தி.மு.க உள்ளிட்ட புத்தகங்களை எழுதியுள்ளார்.
புத்தகத்தை இணையத்தில் வாங்க
காங்கிரஸ் ஆட்சியை இருபது ஆண்டுகாலம் பார்த்துவிட்டோம். நன்மையில்லை. தி.மு.க ஆட்சி செய்தபோது பண்ருட்டி ராமச்சந்திரன் வன்னியர்களுக்கு இட ஒதுக்கீடு கொடுப்பது சம்பந்தமாக சட்ட ஆலோசனையை எல்லாம் திரட்டிக் கொடுத்தார். அப்படியிருந்தும் அந்த ஃபைலை யாரும் சட்டை செய்யவில்லை. அதிமுகவும் பத்து வருடம் ஆண்டது. நன்மை எதுவும் வரவில்லை.
ஆகையால், கட்சி என்றாலே எங்களுக்கு இப்போது வெறுப்பாக இருக்கிறது. அதனால்தான் வோட்டு போடுவதில்லை என்று முடிவு செய்திருக்கிறோம். எல்லாக் கட்சியுமே சனியன்தான். இதில் எந்த சனியன் தேவலாம் என்றால் எப்படி பதில் சொல்வது. இன்றைக்குள்ள அரசியல் சூழ்நிலையில், புத்தியுள்ள மக்கள் வோட்டுச் சாவடிக்குப் போகமாட்டார்கள்.'
- எண்பதுகளின் பிற்பகுதியில் ஜூனியர் விகடன் இதழுக்கு ராமதாஸ் அளித்த பேட்டியிலிருந்து.
வன்னியர் சங்கத்தில் இருந்து பாட்டாளி மக்கள் கட்சி உருவான கதையை மினிமேக்ஸ் புத்தகமாக வெளியிட்டுள்ளது. அந்தப் புத்தகத்தில் வன்னியர்களின் அடிப்படை கோரிக்கைகள் என்ன? அதை வலியுறுத்தி நடத்தப்பட்ட போராட்டங்கள், அரசியல் கட்சியாக மாறுவதற்கு எது அடிப்படையாக இருந்தது, கூட்டணி அரசியலில் பாமக இறங்கியதற்கு என்ன காரணம்? பாமக மீது வைக்கப்படும் விமரிசனங்கள் என்னென்ன? இப்படி பல முக்கிய விஷயங்களையும் இந்தப் புத்தகம் விவாதித்துள்ளது.
புத்தகத்தை எழுதியவர் ஆர். முத்துக்குமார். கிழக்கு பதிப்பகத்தின் முதன்மைத் துணை ஆசிரியராகவும் MiniMaxன் பொறுப்பாசிரியராகவும் இயங்கிவருகிறார். குமுதம் ரிப்போர்ட்டர், ஜூனியர் விகடன் இதழ்களில் நடப்பு அரசியல் பற்றித் தொடர்ந்து கட்டுரைகள் எழுதிவருகிறார். அன்புள்ள ஜீவா, இந்திரா, பெரியார், மினிமேக்ஸ் வழியாக தி.மு.க, அ.தி.மு.க உள்ளிட்ட புத்தகங்களை எழுதியுள்ளார்.
புத்தகத்தை இணையத்தில் வாங்க
Thursday, March 19, 2009
அன்னை சோனியாவின் வழிகாட்டுதலின்படி...!
ஆலன் ஆக்டேவியன் ஹ்யூம். இந்தப் பெயரை நினைவிருக்கிறது அல்லவா? 1885ல் தொடங்கப்பட்ட காங்கிரஸ் இயக்கம் தொடங்கப்படுவதற்குக் காரணகர்த்தா இவர்தான். கோகலே, திலகர், காந்தி, நேரு, காமராஜ், இந்திரா, ராஜிவ் என்று பல தலைவர்களின் கரங்களில் இருந்த காங்கிரஸ் கட்சி தற்போது சோனியா காந்தியிடம் வந்து சேர்ந்துள்ளது.
ஐக்கிய முற்போக்குக் கூட்டணி அரசு பற்றி காங்கிரஸ் தலைவர்களி எவர் பேட்டி கொடுத்தாலும் சரி. அவர்கள் வாயில் இருந்து வெளிவரும் முக்கியமான மூன்று வார்த்தைகள்என்னென்ன தெரியுமா?
'அன்னை சோனியாவின் வழிகாட்டுதலின்படி...'
இவற்றை உச்சரித்த பிறகுதான் அடுத்த வார்தையே வெளியில் வரும். சோனியா என்ற ஒற்றை நபர்தான் காங்கிரஸ் கட்சிக்கு இருக்கும் ஒரே நம்பிக்கை நட்சத்தி்ரம். சோனியாவின் தலைமையிலான காங்கிரஸ், கடந்த நாடாளுமன்றத் தேர்தலில் கூட்டணி அமைத்துப் போட்டியிட்டு, ஆட்சி அமைத்து, ஐந்து ஆண்டுகளைக் கடந்து அடுத்த தேர்தலை சந்திக்கத் தயாராகி உள்ளது.
ஐந்து ஆண்டுகளும் ஆட்சி மன்மோகன் சிங் வசம் இருந்தாலும்கூட கட்சி, ஆட்சி என்ற இரண்டு குதிரைகளுக்கான லகான்களும் சோனியா வசம் மட்டுமே இருந்தது. இனியும் அப்படித்தான் இருக்கும் என்றே தோன்றுகிறது.
இந்தச் சூழ்நிலையில் சோனியா என்பவர் எப்படிப்பட்டவர், அவருடைய வாழ்க்கைப்பின்னணி என்ன? அரசியலில் எந்த அளவுக்கு அவருக்கு ஆர்வமும் அனுபவமும் இருந்தது? கட்சித் தலைவர்கள் அவரை எப்படி ஏற்றுக்கொண்டனர்? இப்படிப் பல விஷயங்களையும் வாசகர்களுக்குச் சுருக்கமாக அறிமுகம் செய்யும் வகையில் மினிமேக்ஸ் 'சோனியா' என்ற புத்தகத்தை வெளியிட்டுள்ளது.
புத்தகத்தை எழுதியிருப்பவர் அஜிதன். இயற்பெயர் அசோகன். தமிழின் முக்கியமான பத்திரிகையாளர். த சண்டே இந்தியன் என்ற பத்திரிகையின் தமிழ்ப்பதிப்புக்கான ஆசிரியராகப் பணியாற்றுகிறார்.
புத்தகத்தை இணையத்தில் வாங்க
ஐக்கிய முற்போக்குக் கூட்டணி அரசு பற்றி காங்கிரஸ் தலைவர்களி எவர் பேட்டி கொடுத்தாலும் சரி. அவர்கள் வாயில் இருந்து வெளிவரும் முக்கியமான மூன்று வார்த்தைகள்என்னென்ன தெரியுமா?
'அன்னை சோனியாவின் வழிகாட்டுதலின்படி...'
இவற்றை உச்சரித்த பிறகுதான் அடுத்த வார்தையே வெளியில் வரும். சோனியா என்ற ஒற்றை நபர்தான் காங்கிரஸ் கட்சிக்கு இருக்கும் ஒரே நம்பிக்கை நட்சத்தி்ரம். சோனியாவின் தலைமையிலான காங்கிரஸ், கடந்த நாடாளுமன்றத் தேர்தலில் கூட்டணி அமைத்துப் போட்டியிட்டு, ஆட்சி அமைத்து, ஐந்து ஆண்டுகளைக் கடந்து அடுத்த தேர்தலை சந்திக்கத் தயாராகி உள்ளது.
ஐந்து ஆண்டுகளும் ஆட்சி மன்மோகன் சிங் வசம் இருந்தாலும்கூட கட்சி, ஆட்சி என்ற இரண்டு குதிரைகளுக்கான லகான்களும் சோனியா வசம் மட்டுமே இருந்தது. இனியும் அப்படித்தான் இருக்கும் என்றே தோன்றுகிறது.
இந்தச் சூழ்நிலையில் சோனியா என்பவர் எப்படிப்பட்டவர், அவருடைய வாழ்க்கைப்பின்னணி என்ன? அரசியலில் எந்த அளவுக்கு அவருக்கு ஆர்வமும் அனுபவமும் இருந்தது? கட்சித் தலைவர்கள் அவரை எப்படி ஏற்றுக்கொண்டனர்? இப்படிப் பல விஷயங்களையும் வாசகர்களுக்குச் சுருக்கமாக அறிமுகம் செய்யும் வகையில் மினிமேக்ஸ் 'சோனியா' என்ற புத்தகத்தை வெளியிட்டுள்ளது.
புத்தகத்தை எழுதியிருப்பவர் அஜிதன். இயற்பெயர் அசோகன். தமிழின் முக்கியமான பத்திரிகையாளர். த சண்டே இந்தியன் என்ற பத்திரிகையின் தமிழ்ப்பதிப்புக்கான ஆசிரியராகப் பணியாற்றுகிறார்.
புத்தகத்தை இணையத்தில் வாங்க
Wednesday, March 18, 2009
அம்பானிகள் பிரிந்த கதை!
ஒரு குடும்பத்தின் பிரிவு, தேசத்தின் விவாதப்பொருளாக மாறியது ஏன்?
அம்பானிகளுக்கு ஏன் இந்த முக்கியத்துவம்?
ரிலையன்ஸின் வளர்ச்சிக்கு அம்பானி சகோதரர்களின் பங்கு எவ்வளவு?
எந்த அடிப்படையில் சகோதரர்களுக்கிடையே சொத்துகள் பிரிக்கப்பட்டன?
பாகப்பிரிவினைக்குப் பிறகு முகேஷ் வசம் அதிக சொத்துகள் உள்ளதன் பின்னணி என்ன?
அம்பானி சகோதரர்கள் பிரிந்தது இந்தியத் தொழில்துறைக்கு பாதிப்பை ஏற்படுத்துமா?
அனில் அம்பானி மற்றும் முகேஷ் அம்பானி இருவரும் தங்கள் தந்தையின் மறைவுக்குப் பிறகு தனித்தனியே பிரிந்துவிட்டனர். அந்த பிஸினஸ் சகோதரர்கள் பிரிந்த கதையை 'அம்பானிகள் பிரிந்த கதை' என்ற நூலாக மினிமேக்ஸ் வெளியிட்டுள்ளது. அந்தப் புத்தகத்தில் மேலே இருக்கும் அத்தனை கேள்விகளுக்குமான விடைகள் கிடைக்கும்.
புத்தகத்தின் நூலாசிரியர் என். சொக்கன் தொழில்வல்லுநர்கள், வர்த்தக நிபுணர்கள் பலருடைய வாழ்க்கை வரலாறுகளை எழுதியிருக்கிறார். இவர் எழுதிய திருபாய் அம்பானியின் வாழ்க்கை வரலாறு வாசகர்களின் அபரிமிதமான வரவேற்பைப் பெற்றது.
புத்தகத்தை இணையத்தில் வாங்க
அம்பானிகளுக்கு ஏன் இந்த முக்கியத்துவம்?
ரிலையன்ஸின் வளர்ச்சிக்கு அம்பானி சகோதரர்களின் பங்கு எவ்வளவு?
எந்த அடிப்படையில் சகோதரர்களுக்கிடையே சொத்துகள் பிரிக்கப்பட்டன?
பாகப்பிரிவினைக்குப் பிறகு முகேஷ் வசம் அதிக சொத்துகள் உள்ளதன் பின்னணி என்ன?
அம்பானி சகோதரர்கள் பிரிந்தது இந்தியத் தொழில்துறைக்கு பாதிப்பை ஏற்படுத்துமா?
அனில் அம்பானி மற்றும் முகேஷ் அம்பானி இருவரும் தங்கள் தந்தையின் மறைவுக்குப் பிறகு தனித்தனியே பிரிந்துவிட்டனர். அந்த பிஸினஸ் சகோதரர்கள் பிரிந்த கதையை 'அம்பானிகள் பிரிந்த கதை' என்ற நூலாக மினிமேக்ஸ் வெளியிட்டுள்ளது. அந்தப் புத்தகத்தில் மேலே இருக்கும் அத்தனை கேள்விகளுக்குமான விடைகள் கிடைக்கும்.
புத்தகத்தின் நூலாசிரியர் என். சொக்கன் தொழில்வல்லுநர்கள், வர்த்தக நிபுணர்கள் பலருடைய வாழ்க்கை வரலாறுகளை எழுதியிருக்கிறார். இவர் எழுதிய திருபாய் அம்பானியின் வாழ்க்கை வரலாறு வாசகர்களின் அபரிமிதமான வரவேற்பைப் பெற்றது.
புத்தகத்தை இணையத்தில் வாங்க
பாகிஸ்தானும் தீவிரவாதமும்!
ஆர். முத்துக்குமார்
மற்ற எந்தப் பிரச்னையைக் காட்டிலும் தீவிரவாதிகளின் பிரச்னைதான் பாகிஸ்தானுக்கான மிகப்பெரிய தலைவலி. அது எத்தனை உக்கிரமானது என்பதற்கு இலங்கை கிரிக்கெட் வீரர்கள் மீது நடத்தப்பட்ட கொலைவெறித் தாக்குதல் ஆகப்பெரிய உதாரணம். விஷயம் இந்த அளவுக்கு விஸ்வரூபம் எடுத்துள்ளதற்கு என்ன காரணம்?
1947ல் காஷ்மீரை முன்னிலைப்படுத்தி முதல் யுத்தத்தைத் தொடங்கியபோது தமது ராணுவத்தினரைக்கூட பாகிஸ்தான் ஆட்சியாளர்கள் நம்பவில்லை. அவர்கள் நம்பியது பாகிஸ்தான் எல்லையோரத்தில் திரிந்துகொண்டிருந்த பதான் ஆதிவாசிகளைத்தான் கூலிக்கு எடுத்து காஷ்மீருக்குள் அனுப்பி குழப்பத்தை ஏற்படுத்தினார்கள். அவர்களுக்குத் தேவையான ஆயுதங்களை எல்லாம் வழங்கி காஷ்மீரைக் கைப்பற்ற முயற்சி செய்தார்கள்.
ஆனால் அந்த முயற்சிகளை நேரு, மௌண்ட்பேட்டன் உள்ளிட்டோர் புத்திசாலித்தனமாகக் காய்களை நகர்த்தி காஷ்மீரை இந்தியாவுடன் இணைத்துக்கொண்டதோடு பதான் தீவிரவாதிகளையும் ஓட ஓட விரட்டி அடித்தனர். பாகிஸ்தான் ஆட்சியாளர்களுக்கும் தீவிரவாதிகளுக்குமான உறவின் முதல் அத்தியாயம் 1947 யுத்தம்தான். அதன்பிறகு பாகிஸ்தானுக்கென்று பிரத்யேகமாக உளவு அமைப்பு ஒன்று உருவானது. பெயர், ஐ.எஸ்.ஐ.
உளவு செய்வதுதான் இதன் வேலை என்றாலும்கூட ஐ.எஸ்.ஐக்கு அதிகம் பிடித்தமான வேலை தீவிரவாதிகளுக்குக் கொம்பு சீவி விடுவதுதான். ஆப்கனிஸ்தானில் இருக்கும் முஜாஹிதீன்கள், தாலிபன்கள் என்று என்னென்ன பெயர் தீவிரவாதிகள் செயல்படுகிறார்களோ அவர்களை எல்லாம் அழைத்து வந்து, முறைப்படி ஆயுதப்பயிற்சிகள் கொடுத்து அவர்களை தீவிரவாதச் செயல்களுக்குத் தூண்டுவது ஐ.எஸ்.ஐயின் பிரதானப் பணி.
ஆயுதம் வேண்டும். பணம் வேண்டும். சொகுசாகத் தங்க இடம் வேண்டும் என்று தீவிரவாத இயக்கங்கள் என்ன கேட்டாலும் தயங்காமல் கொடுத்தது ஐ.எஸ்.ஐ. இதனால் பாகிஸ்தான் ஆட்சியாளர்கள் காலால் இடும் உத்தரவுகளைத் தலையால் செய்து முடிக்கத் தயாராக இருந்தனர் தீவிரவாதிகள். 1965ல் இந்தியா - பாகிஸ்தான் இடையே நடைபெற்ற யுத்தத்துக்குப் பிள்ளையார்சுழி போட்டது இந்தத் தீவிரவாதிகள்தான்.
இந்தியாவின் கட்ச் வளைகுடாப் பகுதிக்கு தீவிரவாதிகளை அனுப்பி அங்கே குழப்பங்களை விளைவித்தது. ராணுவம் கட்ச் பக்கம் பார்வையைத் திருப்பும்போது காஷ்மீருக்குள் கால் பதிக்க வேண்டும் என்பது பாகிஸ்தானின் திட்டம். காஷ்மீருக்குள் ஓசையின்றி ஊடுருவி அங்கேயே தங்கி, கலகத்தை ஏற்படுத்தவேண்டும். பிறகு மெல்ல மெல்ல ராணுவத்தினரை காஷ்மீருக்குள் அனுப்பி யுத்தம் நடத்தி காஷ்மீரைக் கைப்பற்றவேண்டும் என்பது அவர்கள் போட்ட கணக்கு. அப்போது காஷ்மீருக்குள் பாகிஸ்தான் அனுப்பிய தீவிரவாதிகளுக்கு ஆஸாத் காஷ்மீர் போராளிகள் என்று பெயர் வைத்துக்கொண்டனர்.
ஆஸாத் காஷ்மீர் போராளிகளை முதலில் அனுப்பிவிட்டு, பிறகுதான் பாகிஸ்தான் ராணுவத்தினர் களத்தில் இறங்கினர். பலநாள்கள் நடந்த யுத்தத்தில் இறுதி வெற்றி இந்தியாவுக்குத்தான். மீண்டும் தீவிரவாதிகளின் பங்களிப்பு பல்லிளித்தது. தொடர்ந்து தோல்வியையே தந்து வந்தாலும் முஜாஹிதீன்களையும் ஆஸாத் காஷ்மீர் போராளிகளையும் தொடர்ந்து நட்பு வட்டத்திலேயே வைத்திருந்தனர் பாகிஸ்தான் ஆட்சியாளர்கள்.
இந்தியாவை நேரடி யுத்தத்தில் வெல்ல முடியாத பாகிஸ்தான் அரசு தீவிரவாதிகளை இந்தியாவின் முக்கியப்பிரிவுகளுக்கு ஊடுருவச் செய்து அவ்வப்போது குழப்பம் விளைவித்தது. முக்கியமாக், இந்தியாவில் காலிஸ்தான் போராளிகள் குடைச்சல் கொடுத்தபோது அவர்களை ஐ.எஸ்.ஐ அதிகாரிகள் சந்தித்து மூளைச்சலவை செய்து இந்தியாவுக்குள் சிக்கல் ஏற்படுத்த முனைந்தனர். பாகிஸ்தான் அரசியல்வாதிகளின் தீவிரவாதிகள் மீதான் காதல் எதுவரை சென்றது தெரியுமா?
எழுபதுகளின் இறுதியில் சோவியத் படைகள் ஆப்கனிஸ்தானை ஆக்ரமித்தபோது அவர்களை எதிர்த்துப் போராட ஆப்கன் தீவிரவாதிகளுக்கு ஆயுதப்பயிற்சி கொடுத்து யுத்தத்துக்கு அனுப்பியது ஐ.எஸ்.ஐ. அதன்பிறகு காஷ்மீரை அடிப்படையாகக் கொண்டு செயல்படும்
லஷ்கர் ஏ தொய்பா, ஜெய்ஷே முகமது, ஜமா இஸ்லாமியா , ஹிஸ்புல் முஜாஹிதீன் என்று
பல தீவிரவாத இயங்களுக்கு நிரந்தரப் புரவலராக செயல்படுவது ஐ.எஸ்.ஐதான்.
எண்பதுகளில் தொடங்கி முஷார்ஃப், சர்தாரி காலம் வரை தொடர்ந்து தீவிரவாதிகளுக்குத் தங்கள் நேசக்கரங்களை அலுக்காமல் சலுக்காமல் நீட்டி வருகிறது பாகிஸ்தான். தீவிரவாதிகளுக்கு ஆதரவு என்பது கூரான இருமுனைகளைக் கொண்ட கத்தி போன்றது. எந்த நேரத்தில் வேண்டுமானாலும் அது கையாள்பவரையே தாக்கும் ஆபத்து இருக்கிறது. தற்போது பாகிஸ்தானின் நிலையும் அப்படித்தான் இருக்கிறது.
சமீபத்தில் செய்தியாளர்களிடம் பேசிய பாகிஸ்தான் அதிபர் ஆசிஃப் அலி சர்தாரி, ஆப்கனிஸ்தான் தீவிரவாதிகளால் பாகிஸ்தானுக்கு ஆபத்து சூழ்ந்திருக்கிறது என்று கூறியிருக்கிறார். இதன்மூலம் சொந்த செலவில் சூனியம் வைத்துக்கொண்டது வெளிப்பட்டிருக்கிறது. தற்போது உருவாகி இருக்கும் சூழல் மிகவும் ஆபத்தானது. பாகிஸ்தான் என்ற தேசத்தையே கபளீகரம் செய்து விடுவதற்கு எல்லாவிதமான சாத்தியக்கூறுகளும் தென்படுகின்றன.
இனியும் தாமதிப்பதில் அர்த்தமில்லை. பாகிஸ்தான் ஆட்சியாளர்கள் மட்டுமின்றி பாகிஸ்தான் அரசியல்வாதிகள், உளவு அதிகாரிகள் உள்ளிட்ட அத்தனை பேரும் தாங்கள் நேரடியாகவும் மறைமுகமாகவும் நேசிக்கும் தீவிரவாதிகளை உதறித்தள்ள வேண்டும். அவர்களுடைய தொடர்புகளை துண்டித்து எறிய வேண்டும். அவர்களுக்கு அடைக்கலம் கொடுப்பது, ஆதரவு தருவது எல்லாவற்றையும் உடனடியாக நிறுத்தவேண்டும்.
முக்கியமாக, பாகிஸ்தானில் சில பகுதிகளில் சர்வ வசதிகளுடன் கட்டப்பட்டுள்ள தீவிரவாதிகளின் முகாம்களைத் தகர்த்தெறிய வேண்டும். நாடு தழுவிய அளவில் மிகப்பெரிய தேடுதல் வேட்டை நடத்தி தீவிரவாதிகளைக் கைது செய்து அவர்கள் மீது பாரபட்சமற்ற நடவடிக்கைகளை எடுக்கவேண்டும். இல்லாவிட்டால் பாகிஸ்தான் தீவிரவாதிகளின் சொர்க்கமாக உருமாறிவிடும்!
மற்ற எந்தப் பிரச்னையைக் காட்டிலும் தீவிரவாதிகளின் பிரச்னைதான் பாகிஸ்தானுக்கான மிகப்பெரிய தலைவலி. அது எத்தனை உக்கிரமானது என்பதற்கு இலங்கை கிரிக்கெட் வீரர்கள் மீது நடத்தப்பட்ட கொலைவெறித் தாக்குதல் ஆகப்பெரிய உதாரணம். விஷயம் இந்த அளவுக்கு விஸ்வரூபம் எடுத்துள்ளதற்கு என்ன காரணம்?
1947ல் காஷ்மீரை முன்னிலைப்படுத்தி முதல் யுத்தத்தைத் தொடங்கியபோது தமது ராணுவத்தினரைக்கூட பாகிஸ்தான் ஆட்சியாளர்கள் நம்பவில்லை. அவர்கள் நம்பியது பாகிஸ்தான் எல்லையோரத்தில் திரிந்துகொண்டிருந்த பதான் ஆதிவாசிகளைத்தான் கூலிக்கு எடுத்து காஷ்மீருக்குள் அனுப்பி குழப்பத்தை ஏற்படுத்தினார்கள். அவர்களுக்குத் தேவையான ஆயுதங்களை எல்லாம் வழங்கி காஷ்மீரைக் கைப்பற்ற முயற்சி செய்தார்கள்.
ஆனால் அந்த முயற்சிகளை நேரு, மௌண்ட்பேட்டன் உள்ளிட்டோர் புத்திசாலித்தனமாகக் காய்களை நகர்த்தி காஷ்மீரை இந்தியாவுடன் இணைத்துக்கொண்டதோடு பதான் தீவிரவாதிகளையும் ஓட ஓட விரட்டி அடித்தனர். பாகிஸ்தான் ஆட்சியாளர்களுக்கும் தீவிரவாதிகளுக்குமான உறவின் முதல் அத்தியாயம் 1947 யுத்தம்தான். அதன்பிறகு பாகிஸ்தானுக்கென்று பிரத்யேகமாக உளவு அமைப்பு ஒன்று உருவானது. பெயர், ஐ.எஸ்.ஐ.
உளவு செய்வதுதான் இதன் வேலை என்றாலும்கூட ஐ.எஸ்.ஐக்கு அதிகம் பிடித்தமான வேலை தீவிரவாதிகளுக்குக் கொம்பு சீவி விடுவதுதான். ஆப்கனிஸ்தானில் இருக்கும் முஜாஹிதீன்கள், தாலிபன்கள் என்று என்னென்ன பெயர் தீவிரவாதிகள் செயல்படுகிறார்களோ அவர்களை எல்லாம் அழைத்து வந்து, முறைப்படி ஆயுதப்பயிற்சிகள் கொடுத்து அவர்களை தீவிரவாதச் செயல்களுக்குத் தூண்டுவது ஐ.எஸ்.ஐயின் பிரதானப் பணி.
ஆயுதம் வேண்டும். பணம் வேண்டும். சொகுசாகத் தங்க இடம் வேண்டும் என்று தீவிரவாத இயக்கங்கள் என்ன கேட்டாலும் தயங்காமல் கொடுத்தது ஐ.எஸ்.ஐ. இதனால் பாகிஸ்தான் ஆட்சியாளர்கள் காலால் இடும் உத்தரவுகளைத் தலையால் செய்து முடிக்கத் தயாராக இருந்தனர் தீவிரவாதிகள். 1965ல் இந்தியா - பாகிஸ்தான் இடையே நடைபெற்ற யுத்தத்துக்குப் பிள்ளையார்சுழி போட்டது இந்தத் தீவிரவாதிகள்தான்.
இந்தியாவின் கட்ச் வளைகுடாப் பகுதிக்கு தீவிரவாதிகளை அனுப்பி அங்கே குழப்பங்களை விளைவித்தது. ராணுவம் கட்ச் பக்கம் பார்வையைத் திருப்பும்போது காஷ்மீருக்குள் கால் பதிக்க வேண்டும் என்பது பாகிஸ்தானின் திட்டம். காஷ்மீருக்குள் ஓசையின்றி ஊடுருவி அங்கேயே தங்கி, கலகத்தை ஏற்படுத்தவேண்டும். பிறகு மெல்ல மெல்ல ராணுவத்தினரை காஷ்மீருக்குள் அனுப்பி யுத்தம் நடத்தி காஷ்மீரைக் கைப்பற்றவேண்டும் என்பது அவர்கள் போட்ட கணக்கு. அப்போது காஷ்மீருக்குள் பாகிஸ்தான் அனுப்பிய தீவிரவாதிகளுக்கு ஆஸாத் காஷ்மீர் போராளிகள் என்று பெயர் வைத்துக்கொண்டனர்.
ஆஸாத் காஷ்மீர் போராளிகளை முதலில் அனுப்பிவிட்டு, பிறகுதான் பாகிஸ்தான் ராணுவத்தினர் களத்தில் இறங்கினர். பலநாள்கள் நடந்த யுத்தத்தில் இறுதி வெற்றி இந்தியாவுக்குத்தான். மீண்டும் தீவிரவாதிகளின் பங்களிப்பு பல்லிளித்தது. தொடர்ந்து தோல்வியையே தந்து வந்தாலும் முஜாஹிதீன்களையும் ஆஸாத் காஷ்மீர் போராளிகளையும் தொடர்ந்து நட்பு வட்டத்திலேயே வைத்திருந்தனர் பாகிஸ்தான் ஆட்சியாளர்கள்.
இந்தியாவை நேரடி யுத்தத்தில் வெல்ல முடியாத பாகிஸ்தான் அரசு தீவிரவாதிகளை இந்தியாவின் முக்கியப்பிரிவுகளுக்கு ஊடுருவச் செய்து அவ்வப்போது குழப்பம் விளைவித்தது. முக்கியமாக், இந்தியாவில் காலிஸ்தான் போராளிகள் குடைச்சல் கொடுத்தபோது அவர்களை ஐ.எஸ்.ஐ அதிகாரிகள் சந்தித்து மூளைச்சலவை செய்து இந்தியாவுக்குள் சிக்கல் ஏற்படுத்த முனைந்தனர். பாகிஸ்தான் அரசியல்வாதிகளின் தீவிரவாதிகள் மீதான் காதல் எதுவரை சென்றது தெரியுமா?
எழுபதுகளின் இறுதியில் சோவியத் படைகள் ஆப்கனிஸ்தானை ஆக்ரமித்தபோது அவர்களை எதிர்த்துப் போராட ஆப்கன் தீவிரவாதிகளுக்கு ஆயுதப்பயிற்சி கொடுத்து யுத்தத்துக்கு அனுப்பியது ஐ.எஸ்.ஐ. அதன்பிறகு காஷ்மீரை அடிப்படையாகக் கொண்டு செயல்படும்
லஷ்கர் ஏ தொய்பா, ஜெய்ஷே முகமது, ஜமா இஸ்லாமியா , ஹிஸ்புல் முஜாஹிதீன் என்று
பல தீவிரவாத இயங்களுக்கு நிரந்தரப் புரவலராக செயல்படுவது ஐ.எஸ்.ஐதான்.
எண்பதுகளில் தொடங்கி முஷார்ஃப், சர்தாரி காலம் வரை தொடர்ந்து தீவிரவாதிகளுக்குத் தங்கள் நேசக்கரங்களை அலுக்காமல் சலுக்காமல் நீட்டி வருகிறது பாகிஸ்தான். தீவிரவாதிகளுக்கு ஆதரவு என்பது கூரான இருமுனைகளைக் கொண்ட கத்தி போன்றது. எந்த நேரத்தில் வேண்டுமானாலும் அது கையாள்பவரையே தாக்கும் ஆபத்து இருக்கிறது. தற்போது பாகிஸ்தானின் நிலையும் அப்படித்தான் இருக்கிறது.
சமீபத்தில் செய்தியாளர்களிடம் பேசிய பாகிஸ்தான் அதிபர் ஆசிஃப் அலி சர்தாரி, ஆப்கனிஸ்தான் தீவிரவாதிகளால் பாகிஸ்தானுக்கு ஆபத்து சூழ்ந்திருக்கிறது என்று கூறியிருக்கிறார். இதன்மூலம் சொந்த செலவில் சூனியம் வைத்துக்கொண்டது வெளிப்பட்டிருக்கிறது. தற்போது உருவாகி இருக்கும் சூழல் மிகவும் ஆபத்தானது. பாகிஸ்தான் என்ற தேசத்தையே கபளீகரம் செய்து விடுவதற்கு எல்லாவிதமான சாத்தியக்கூறுகளும் தென்படுகின்றன.
இனியும் தாமதிப்பதில் அர்த்தமில்லை. பாகிஸ்தான் ஆட்சியாளர்கள் மட்டுமின்றி பாகிஸ்தான் அரசியல்வாதிகள், உளவு அதிகாரிகள் உள்ளிட்ட அத்தனை பேரும் தாங்கள் நேரடியாகவும் மறைமுகமாகவும் நேசிக்கும் தீவிரவாதிகளை உதறித்தள்ள வேண்டும். அவர்களுடைய தொடர்புகளை துண்டித்து எறிய வேண்டும். அவர்களுக்கு அடைக்கலம் கொடுப்பது, ஆதரவு தருவது எல்லாவற்றையும் உடனடியாக நிறுத்தவேண்டும்.
முக்கியமாக, பாகிஸ்தானில் சில பகுதிகளில் சர்வ வசதிகளுடன் கட்டப்பட்டுள்ள தீவிரவாதிகளின் முகாம்களைத் தகர்த்தெறிய வேண்டும். நாடு தழுவிய அளவில் மிகப்பெரிய தேடுதல் வேட்டை நடத்தி தீவிரவாதிகளைக் கைது செய்து அவர்கள் மீது பாரபட்சமற்ற நடவடிக்கைகளை எடுக்கவேண்டும். இல்லாவிட்டால் பாகிஸ்தான் தீவிரவாதிகளின் சொர்க்கமாக உருமாறிவிடும்!
வைகோ என்றொரு குட்டிக்கருணாநிதி!
தமிழ்நாட்டு அரசியலில் தனிநபர்கள் கட்சி ஆரம்பிப்பதில் ஆச்சர்யமில்லை. அரசியலில் தாக்குப்பிடிப்பதுதான் ஆச்சர்யம். ம.தி.மு.கவின் வரலாறும் வை.கோ என்னும் தனிநபருக்கு கிடைத்த வெற்றி, தோல்வியில்தான் ஆரம்பமாகிறது. தி.மு.க என்னும் குடும்பத்துககுள் இருந்தவரையில் வை.கோ ஒரு குட்டி கருணாநிதி. வெளியேற்றப்பட்டவுடன் எம்.ஜி.ஆரோடு ஒப்பிடப்பட்டவர். எம்.ஜி.ஆருக்கு நல்ல நேரம், டெல்லியின் ஆசி எல்லாமே கூடி வந்தது. வை.கோவுக்கோ எல்லாமே சதி செய்தன.
வை.கோவின் வசீகரம் மட்டுமே ம.தி.மு.கவை இன்னும் உயிர்ப்போடு வைத்திருக்கிறது. பேச்சுதான் அவருடைய பெரிய பலம். பதினைந்து ஆண்டுகள். ஆறு தேர்தல்கள். அனைத்தையும் தாண்டி கட்சியைத் தொடர்ந்து நடத்துவதற்கு விட்டமின் எம் வேண்டுமே…1996ல் சொத்துக்கணக்கு பற்றி வை.கோ பேசியதும் இப்போது பேசாமலிருப்பதும் ஞாபகத்திற்கு வருகிறது. வை.கோ பரம்பரை பணக்காரர் என்றெல்லாம் சொன்னாலும் செஞ்சிக்கோட்டை சரிந்து விழுந்த பின்னரும் கட்சியை தாங்குவதுதான் பெரிய ஆச்சர்யம்.
ம.தி.மு.கவை பற்றியும் வை.கோவை பற்றியும் தெரிந்து கொள்ள நினைப்பவர்கள் இதிலிருந்து ஆரம்பிக்கலாம்.
- ம.தி.மு.க புத்தகம் பற்றி நூலாசிரியர் ஜெ.ராம்கி.
நூலாசிரியர் ஜெ.ராம்கி தமிழின் முக்கியமான வலைப்பதிவர்களுள் ஒருவர். தி.மு.க. தலைவர் மு.கருணாநிதி மற்றும் அ.தி.மு.க பொதுச்செயலாளர் ஜெ.ஜெயலலிதாவின் ஆகியோரின் வாழ்க்கை வரலாறுகளை எழுதியிருக்கிறார்.
புத்தகத்தை இணையத்தில் வாங்க
வை.கோவின் வசீகரம் மட்டுமே ம.தி.மு.கவை இன்னும் உயிர்ப்போடு வைத்திருக்கிறது. பேச்சுதான் அவருடைய பெரிய பலம். பதினைந்து ஆண்டுகள். ஆறு தேர்தல்கள். அனைத்தையும் தாண்டி கட்சியைத் தொடர்ந்து நடத்துவதற்கு விட்டமின் எம் வேண்டுமே…1996ல் சொத்துக்கணக்கு பற்றி வை.கோ பேசியதும் இப்போது பேசாமலிருப்பதும் ஞாபகத்திற்கு வருகிறது. வை.கோ பரம்பரை பணக்காரர் என்றெல்லாம் சொன்னாலும் செஞ்சிக்கோட்டை சரிந்து விழுந்த பின்னரும் கட்சியை தாங்குவதுதான் பெரிய ஆச்சர்யம்.
ம.தி.மு.கவை பற்றியும் வை.கோவை பற்றியும் தெரிந்து கொள்ள நினைப்பவர்கள் இதிலிருந்து ஆரம்பிக்கலாம்.
- ம.தி.மு.க புத்தகம் பற்றி நூலாசிரியர் ஜெ.ராம்கி.
நூலாசிரியர் ஜெ.ராம்கி தமிழின் முக்கியமான வலைப்பதிவர்களுள் ஒருவர். தி.மு.க. தலைவர் மு.கருணாநிதி மற்றும் அ.தி.மு.க பொதுச்செயலாளர் ஜெ.ஜெயலலிதாவின் ஆகியோரின் வாழ்க்கை வரலாறுகளை எழுதியிருக்கிறார்.
புத்தகத்தை இணையத்தில் வாங்க
Monday, March 16, 2009
123 : அணுவின்றி அமையாது இந்தியா!
ஜெய்சால்மீர். மணலும் மணல் சார்ந்த பிராந்தியமான ராஜஸ்தானின் முக்கியமான பகுதி. அங்கே அதிமுக்கியமான காரியம் ஒன்று யாருக்கும் தெரியாமல் நடந்துகொண்டிருந்தது, யாருக்கும் தெரியாமல். யாருக்கும் என்றால் முக்கியமாக அமெரிக்காவுக்கு. உலகின் ஒவ்வொரு அங்குலத்தையும் தன்னுடைய உளவுக்கண்களால் நோட்டமிட்டுக்கொண்டிருக்கும் அமெரிக்காவின் செயற்கைக்கோள்களுக்குக்கூடத் தெரியாமல்.
தார் பாலைவனத்தின் மண்ணுக்கு அடியில் சுமார் 200 மீட்டர் ஆழத்தில் ‘வெள்ளை மாளிகை’ என்று பெயரிடப்பட்ட ஒரு குழாயில் மூன்று சோதனை அணுகுண்டுகள் புதைத்து வைக்கப்பட்டிருந்தன. என்ன கொழுப்பு பாருங்கள்! வெள்ளை மாளிகை என்பது அமெரிக்கக் குடியரசுத் தலைவர் வசிக்கும் வீட்டுக்குப் பெயர். உனக்குத் தெரியாமல் உன் வீட்டுக்கு அடியிலேயே நான் அணுகுண்டுச் சோதனை செய்யப்போகிறேன் என்று சவால் விடுக்கும் தோரணை!
‘தாஜ் மஹால்’ என்று பெயரிடப்பட்ட மற்றொரு குழாயில் மேலும் இரண்டு சோதனை குண்டுகள்.
சரியாக மாலை 3 மணி 43 நிமிடத்தில், வெள்ளை மாளிகையில் வைக்கப்பட்டிருந்த மூன்று குண்டுகளும் வெடித்தன.
ஆபரேஷன் சக்தி வெற்றி. இது நடந்தது மே 11, 1998ல்.
இரண்டு நாள்கள் கழித்து, தனியாகப் புதைத்துவைக்கப்பட்ட மேலும் இரண்டு சோதனை குண்டுகளும், மதியம் 12 மணி 21 நிமிடத்தில் வெடித்தன.
மீண்டும் வெற்றி.
0
மே 11, 1998 அன்று முதல் சோதனை முடிந்ததுமே, பிரதமர் வாஜ்பாயி பத்திரிகையாளர் சந்திப்பில் பேசினார். மிகச் சுருக்கமாக நடந்தது என்ன என்று விவரித்துவிட்டு, இந்திய விஞ்ஞானிகளுக்கு நன்றி கூறினார். நடந்துமுடிந்த சோதனைகள் நன்றாக நடந்தன என்றும், பூமிக்கு அடியில் சோதனை நடந்ததால், கதிர்வீச்சு ஏதும் காற்றுமண்டலத்துக்குப் பரவவில்லை என்றும் கூறினார்.
நாடு முழுதும் முதலில் அதிர்ச்சி பரவியது. பிறகு சந்தோஷம். கொண்டாட்டம். .
மத்திய அமைச்சரவையில் பிரதமர் வாஜ்பாயி, துணைப் பிரதமர் லால் கிருஷ்ண அத்வானி. வெளியுறவு அமைச்சர் ஜஸ்வந்த் சிங். தேசியப் பாதுகாப்பு ஆலோசகர் பிரஜேஷ் மிஸ்ரா மற்றும் சோதனை முயற்சியில் ஈடுபட்டிருக்கும் விஞ்ஞானிகள், ராணுவத்தின் ஒரு பிரிவு ஆகியோருக்கு மட்டுமே முன்கூட்டியே தெரிந்திருந்தது. இரண்டு நாள்களுக்கு முன்னதாகக்க்தான் நிதி அமைச்சர் யஷ்வந்த் சின்ஹாவுக்கும் பாதுகாப்புத் துறை அமைச்சர் ஜார்ஜ் ஃபெர்னாண்டஸுக்கும் தகவல் தெரிவிக்கப்பட்டது.
*
இத்தனைக்கும், அடல் பிஹாரி வாஜ்பாயி பிரதமராகி ஒரு மாதம்தான் ஆகியிருந்தது. அதற்குள் இவ்வளவு தைரியமாக இதனைச் செய்தது ஒரு சாதனைதான்.
ஏன் இவ்வளவு அவசரமும் ரகசியமும்?
MiniMax மூலம் வெளியாகியிருக்கும் '123: இந்திய - அமெரிக்க அணுசக்தி ஒப்பந்தம்' என்ற புத்தகத்தின் முதல் அத்தியாயம் இது. இந்திய அணுசக்தி வளர்ச்சி பற்றி அறிமுகம் செய்வதோடு, இந்தியா - அமெரிக்கா இடையேயான அணுசக்தி ஒப்பந்தம் குறித்த தெளிவான புரிதலை வாசகர்களுக்கு வழங்குகிறது இந்தப்புத்தகம்.
நூலை எழுதியிருப்பவர் பத்ரி சேஷாத்ரி. நியூ ஹொரைஸன் மீடியாவின் நிர்வாக இயக்குனர் மற்றும் பதிப்பாளராக இருக்கும் இவர் தமிழின் முக்கிய வலைப்பதிவர்களுள் ஒருவர். அணுசக்தி ஒப்பந்தம் குறித்து தொடர்ந்து வலைப்பதிவுகளில் எழுதிவருபவர்.
ISBN 978-81-8493-030-6 விலை ரூ 25/-
புத்தகத்தை இணையத்தில் வாங்க
தார் பாலைவனத்தின் மண்ணுக்கு அடியில் சுமார் 200 மீட்டர் ஆழத்தில் ‘வெள்ளை மாளிகை’ என்று பெயரிடப்பட்ட ஒரு குழாயில் மூன்று சோதனை அணுகுண்டுகள் புதைத்து வைக்கப்பட்டிருந்தன. என்ன கொழுப்பு பாருங்கள்! வெள்ளை மாளிகை என்பது அமெரிக்கக் குடியரசுத் தலைவர் வசிக்கும் வீட்டுக்குப் பெயர். உனக்குத் தெரியாமல் உன் வீட்டுக்கு அடியிலேயே நான் அணுகுண்டுச் சோதனை செய்யப்போகிறேன் என்று சவால் விடுக்கும் தோரணை!
‘தாஜ் மஹால்’ என்று பெயரிடப்பட்ட மற்றொரு குழாயில் மேலும் இரண்டு சோதனை குண்டுகள்.
சரியாக மாலை 3 மணி 43 நிமிடத்தில், வெள்ளை மாளிகையில் வைக்கப்பட்டிருந்த மூன்று குண்டுகளும் வெடித்தன.
ஆபரேஷன் சக்தி வெற்றி. இது நடந்தது மே 11, 1998ல்.
இரண்டு நாள்கள் கழித்து, தனியாகப் புதைத்துவைக்கப்பட்ட மேலும் இரண்டு சோதனை குண்டுகளும், மதியம் 12 மணி 21 நிமிடத்தில் வெடித்தன.
மீண்டும் வெற்றி.
0
மே 11, 1998 அன்று முதல் சோதனை முடிந்ததுமே, பிரதமர் வாஜ்பாயி பத்திரிகையாளர் சந்திப்பில் பேசினார். மிகச் சுருக்கமாக நடந்தது என்ன என்று விவரித்துவிட்டு, இந்திய விஞ்ஞானிகளுக்கு நன்றி கூறினார். நடந்துமுடிந்த சோதனைகள் நன்றாக நடந்தன என்றும், பூமிக்கு அடியில் சோதனை நடந்ததால், கதிர்வீச்சு ஏதும் காற்றுமண்டலத்துக்குப் பரவவில்லை என்றும் கூறினார்.
நாடு முழுதும் முதலில் அதிர்ச்சி பரவியது. பிறகு சந்தோஷம். கொண்டாட்டம். .
மத்திய அமைச்சரவையில் பிரதமர் வாஜ்பாயி, துணைப் பிரதமர் லால் கிருஷ்ண அத்வானி. வெளியுறவு அமைச்சர் ஜஸ்வந்த் சிங். தேசியப் பாதுகாப்பு ஆலோசகர் பிரஜேஷ் மிஸ்ரா மற்றும் சோதனை முயற்சியில் ஈடுபட்டிருக்கும் விஞ்ஞானிகள், ராணுவத்தின் ஒரு பிரிவு ஆகியோருக்கு மட்டுமே முன்கூட்டியே தெரிந்திருந்தது. இரண்டு நாள்களுக்கு முன்னதாகக்க்தான் நிதி அமைச்சர் யஷ்வந்த் சின்ஹாவுக்கும் பாதுகாப்புத் துறை அமைச்சர் ஜார்ஜ் ஃபெர்னாண்டஸுக்கும் தகவல் தெரிவிக்கப்பட்டது.
*
இத்தனைக்கும், அடல் பிஹாரி வாஜ்பாயி பிரதமராகி ஒரு மாதம்தான் ஆகியிருந்தது. அதற்குள் இவ்வளவு தைரியமாக இதனைச் செய்தது ஒரு சாதனைதான்.
ஏன் இவ்வளவு அவசரமும் ரகசியமும்?
MiniMax மூலம் வெளியாகியிருக்கும் '123: இந்திய - அமெரிக்க அணுசக்தி ஒப்பந்தம்' என்ற புத்தகத்தின் முதல் அத்தியாயம் இது. இந்திய அணுசக்தி வளர்ச்சி பற்றி அறிமுகம் செய்வதோடு, இந்தியா - அமெரிக்கா இடையேயான அணுசக்தி ஒப்பந்தம் குறித்த தெளிவான புரிதலை வாசகர்களுக்கு வழங்குகிறது இந்தப்புத்தகம்.
நூலை எழுதியிருப்பவர் பத்ரி சேஷாத்ரி. நியூ ஹொரைஸன் மீடியாவின் நிர்வாக இயக்குனர் மற்றும் பதிப்பாளராக இருக்கும் இவர் தமிழின் முக்கிய வலைப்பதிவர்களுள் ஒருவர். அணுசக்தி ஒப்பந்தம் குறித்து தொடர்ந்து வலைப்பதிவுகளில் எழுதிவருபவர்.
ISBN 978-81-8493-030-6 விலை ரூ 25/-
புத்தகத்தை இணையத்தில் வாங்க
கர்ஜிக்கும் புலி!
மே 5, 1976 அன்று புதிய பெயர் உருவானது. தமிழ் ஈழ விடுதலைப் புலிகள். இயக்கத்துக்கான சின்னத்தை பிரபாகரன் முன்னரே தயார் செய்திருந்தார். இவர் சொல்லச் சொல்ல ஓவியர் ஒருவர் மதுரையில் உருவாக்கித் தந்த சின்னம் அது.
வாயைப் பிளந்து கர்ஜிக்கும் ஒரு புலி. மஞ்சளும் சிவப்பும் பிரதானம். புலியின் வாய் சிவந்திருக்கவேண்டும். ரத்தச் சிவப்பு. எப்போது வேண்டுமானாலும் பாய்வேன் என்று சொல்வது போல் முன்னங்கால்கள் தயாராக இருக்கவேண்டும். பின்னணியில் இரண்டு துப்பாக்கிகள். கேடயத்தில் இரண்டு வாள்களைக் குறுக்காக வைத்திருப்பார்களே, அதுபோல்.
சுற்றிலும் ஒரு வட்டம். வட்டத்தை ஒட்டி சூரிய ஒளிக்கதிர்கள். கதிர்களுக்குப் பதிலாக பாயிண்ட் 33 ரக தோட்டாக்களை சுற்றிலும் அடுக்கவேண்டும். மொத்தத்தில், எழுச்சியூட்டும் சின்னமாக அது அமையவேண்டும்.
- MiniMax மூலமாக வெளியாகியிருக்கும் எல்.டி.டி.ஈ என்ற புத்தகத்தில் இருந்து...
புத்தகத்தை எழுதியவர் மருதன். ஃபிடல் காஸ்ட்ரோ, சே குவேரா, லெனின், மாவோ, ஸ்டாலின் உள்ளிட்ட பலருடைய வாழ்க்கை வரலாறுகளை எழுதியிருக்கிறார். ஆனந்த விகடன் இதழில் சர்வதேச அரசியல் கட்டுரைகள் எழுதிவருகிறார்.
ISBN 978-81-8493-031-3 விலை ரூ 25/-
புத்தகத்தை ஆன்லைனில் வாங்க
வாயைப் பிளந்து கர்ஜிக்கும் ஒரு புலி. மஞ்சளும் சிவப்பும் பிரதானம். புலியின் வாய் சிவந்திருக்கவேண்டும். ரத்தச் சிவப்பு. எப்போது வேண்டுமானாலும் பாய்வேன் என்று சொல்வது போல் முன்னங்கால்கள் தயாராக இருக்கவேண்டும். பின்னணியில் இரண்டு துப்பாக்கிகள். கேடயத்தில் இரண்டு வாள்களைக் குறுக்காக வைத்திருப்பார்களே, அதுபோல்.
சுற்றிலும் ஒரு வட்டம். வட்டத்தை ஒட்டி சூரிய ஒளிக்கதிர்கள். கதிர்களுக்குப் பதிலாக பாயிண்ட் 33 ரக தோட்டாக்களை சுற்றிலும் அடுக்கவேண்டும். மொத்தத்தில், எழுச்சியூட்டும் சின்னமாக அது அமையவேண்டும்.
- MiniMax மூலமாக வெளியாகியிருக்கும் எல்.டி.டி.ஈ என்ற புத்தகத்தில் இருந்து...
புத்தகத்தை எழுதியவர் மருதன். ஃபிடல் காஸ்ட்ரோ, சே குவேரா, லெனின், மாவோ, ஸ்டாலின் உள்ளிட்ட பலருடைய வாழ்க்கை வரலாறுகளை எழுதியிருக்கிறார். ஆனந்த விகடன் இதழில் சர்வதேச அரசியல் கட்டுரைகள் எழுதிவருகிறார்.
ISBN 978-81-8493-031-3 விலை ரூ 25/-
புத்தகத்தை ஆன்லைனில் வாங்க
Saturday, March 14, 2009
மினிமேக்ஸின் முதுகெலும்பு!
மினிமேக்ஸ் வலைத்தளத்தில் அடுத்தடுத்து பல புத்தகங்களை வாசகர்களுக்கு அறிமுகம் செய்ய இருக்கிறோம். தவிரவும், புத்தகங்கள் பற்றிய வாசகர்களின் கருத்து, விமரிசகர்களின் பார்வை ஆகியவற்றையும் பதிவு செய்ய இருக்கிறோம். புதிய வெளியிடுகள் பற்றிய தகவல்களும் அவ்வப்போது இடம்பெற இருக்கின்றன.
நடப்பு நிகழ்வுகள் என்பது மினிமேக்ஸின் முதுகெலும்பு. வெறுமனே தமிழகத்தோடு எங்களுடைய பார்வையைக் குறுக்கிக் கொள்ளாமல் தேசிய அளவில், சர்வதேச அளவில் அனுதினமும் நிகழ்கின்ற சம்பவங்கள், மாற்றங்கள் பற்றிய தகவல்களையும் அதுகுறித்தான கருத்துகளையும் வெளியிட விரும்புகிறோம்.
அதேசமயம், வெறுமனே அரசியலோடு நிறுத்திக்கொள்ளவும் விரும்பவில்லை. பொருளாதாரம், வர்த்தகம், விளையாட்டு, மருத்துவம் என்று பல்வேறு துறைகள் தொடர்பான கருத்துகளும் இடம்பெறும்.
மேலே இருக்கும் அனைத்துமே ஒவர்நைட்டில் கொண்டுவரப்போவதில்லை. படிப்படியாக. நிதானமாக. எல்லாவற்றையும் விட முக்கியமானது, வாசகர்களின் பங்களிப்பு. நாங்கள் வெளியிடும் புத்தகங்கள் குறித்த உங்களுடைய விமரிசனங்களை, கருத்துகளை உடனடியாக எங்களுக்குத் தெரியப்படுத்தினால் மிகுந்த மகிழ்ச்சி.
நடப்பு நிகழ்வுகள் என்பது மினிமேக்ஸின் முதுகெலும்பு. வெறுமனே தமிழகத்தோடு எங்களுடைய பார்வையைக் குறுக்கிக் கொள்ளாமல் தேசிய அளவில், சர்வதேச அளவில் அனுதினமும் நிகழ்கின்ற சம்பவங்கள், மாற்றங்கள் பற்றிய தகவல்களையும் அதுகுறித்தான கருத்துகளையும் வெளியிட விரும்புகிறோம்.
அதேசமயம், வெறுமனே அரசியலோடு நிறுத்திக்கொள்ளவும் விரும்பவில்லை. பொருளாதாரம், வர்த்தகம், விளையாட்டு, மருத்துவம் என்று பல்வேறு துறைகள் தொடர்பான கருத்துகளும் இடம்பெறும்.
மேலே இருக்கும் அனைத்துமே ஒவர்நைட்டில் கொண்டுவரப்போவதில்லை. படிப்படியாக. நிதானமாக. எல்லாவற்றையும் விட முக்கியமானது, வாசகர்களின் பங்களிப்பு. நாங்கள் வெளியிடும் புத்தகங்கள் குறித்த உங்களுடைய விமரிசனங்களை, கருத்துகளை உடனடியாக எங்களுக்குத் தெரியப்படுத்தினால் மிகுந்த மகிழ்ச்சி.
தி.மு.க - சில கேள்விகள்!
இந்திய அளவில் இருக்கும் கட்சிகள் கருவாகி, உருவாகி, வளர்ந்த கதையைச் சுருக்கமாக அறிமுகம் செய்துள்ளோம். கட்சிகளின் கதையில் முதல் புத்தகம் தி.மு.க.
* பெரியார் - அண்ணா இடையே முதல் விரிசல் ஏன் விழுந்தது?
* பெரியார், மணியம்மையைத் திருமணம் செய்ததுதான் திமுக உருவானதற்கு நிஜக்காரணமா?
* திராவிடநாடு கோரிக்கையை திமுக ஏன் கைவிட்டது?
* கருணாநிதி முதல்வரானதன் பின்னணியில் எம்.ஜி.ஆர் இருந்தாரா?
* வாரிசு அரசியல்தான் வைகோவை வெளியேற்றியதா?
கட்சியின் கதையோடு மேலே இருக்கும் கேள்விகளுக்கும் விடை சொல்கிறது இந்தப்புத்தகம்.
புத்தகத்தை எழுதியவர் ஆர். முத்துக்குமார். கிழக்கு பதிப்பகத்தின் முதன்மைத் துணை ஆசிரியராகவும் MiniMaxன் பொறுப்பாசிரியராகவும் இயங்கிவருகிறார். குமுதம் ரிப்போர்ட்டர், ஜூனியர் விகடன் இதழ்களில் நடப்பு அரசியல் பற்றித் தொடர்ந்து கட்டுரைகள் எழுதிவருகிறார். அன்புள்ள ஜீவா, இந்திரா, பெரியார் உள்ளிட்ட புத்தகங்களை எழுதியுள்ளார்.
தமிழ்நாட்டின் எல்லா புத்தகக் கடைகளிலும் விற்பனைக்கு வைக்கப்பட்டுள்ளன. புத்தகங்கள் குறித்த வாசகர்களின் கருத்துகள் வரவேற்கப்படுகின்றன.
புத்தகத்தை ஆன்லைனில் வாங்க.
* பெரியார் - அண்ணா இடையே முதல் விரிசல் ஏன் விழுந்தது?
* பெரியார், மணியம்மையைத் திருமணம் செய்ததுதான் திமுக உருவானதற்கு நிஜக்காரணமா?
* திராவிடநாடு கோரிக்கையை திமுக ஏன் கைவிட்டது?
* கருணாநிதி முதல்வரானதன் பின்னணியில் எம்.ஜி.ஆர் இருந்தாரா?
* வாரிசு அரசியல்தான் வைகோவை வெளியேற்றியதா?
கட்சியின் கதையோடு மேலே இருக்கும் கேள்விகளுக்கும் விடை சொல்கிறது இந்தப்புத்தகம்.
புத்தகத்தை எழுதியவர் ஆர். முத்துக்குமார். கிழக்கு பதிப்பகத்தின் முதன்மைத் துணை ஆசிரியராகவும் MiniMaxன் பொறுப்பாசிரியராகவும் இயங்கிவருகிறார். குமுதம் ரிப்போர்ட்டர், ஜூனியர் விகடன் இதழ்களில் நடப்பு அரசியல் பற்றித் தொடர்ந்து கட்டுரைகள் எழுதிவருகிறார். அன்புள்ள ஜீவா, இந்திரா, பெரியார் உள்ளிட்ட புத்தகங்களை எழுதியுள்ளார்.
தமிழ்நாட்டின் எல்லா புத்தகக் கடைகளிலும் விற்பனைக்கு வைக்கப்பட்டுள்ளன. புத்தகங்கள் குறித்த வாசகர்களின் கருத்துகள் வரவேற்கப்படுகின்றன.
புத்தகத்தை ஆன்லைனில் வாங்க.
Thursday, March 12, 2009
துறைகள் 6 : புத்தகங்கள் 25
அரசியல். தவிர்க்கமுடியாத துறை இது. வரலாறு மற்றும் வாழ்க்கை வரலாறுகளும் அந்த ரகத்தைச் சேர்ந்தவையே. ஆகவே, இந்த மூன்று துறைகளில் இருந்து அவசியமான, முக்கியமான அனைத்து புத்தகங்களையும் கொண்டுவருவதற்கான முயற்சிகளில் இறங்கியுள்ளது மினிமேக்ஸ். தவிரவும், பொருளாதாரம், தீவிரவாதம், வர்த்தகம், நடப்பு நிகழ்வுகள், மருத்துவம் என்று பல்வேறு தலைப்புகளிலும் புத்தகங்கள் மினிமேக்ஸில் இருந்து வெளியாகத் தொடங்கியுள்ளன.
2009 சென்னை புத்தகக் கண்காட்சியில் சுமார் இருபத்தைந்து புத்தகங்கள் வாசகர்களின் பார்வைக்கு வைக்கப்பட்டன. அரசியல், வாழ்க்கை வரலாறு, நடப்பு நிகழ்வுகள், வர்த்தகம், தீவிரவாதம், ஆரோக்யம் என்ற ஆறு தலைப்புகளில் இந்த புத்தகங்கள் வெளியாகின. வாசகர்களின் வரவேற்பும் நன்றாகவே இருந்தது. இதுவரை மினிமேக்ஸில் இருந்து என்னென்ன புத்தகங்கள் வெளியாகியுள்ளன என்பதைப் பற்றி அடுத்தடுத்த பதிவுகளில் பார்க்கலாம், கொஞ்சம் விரிவாகவே.
2009 சென்னை புத்தகக் கண்காட்சியில் சுமார் இருபத்தைந்து புத்தகங்கள் வாசகர்களின் பார்வைக்கு வைக்கப்பட்டன. அரசியல், வாழ்க்கை வரலாறு, நடப்பு நிகழ்வுகள், வர்த்தகம், தீவிரவாதம், ஆரோக்யம் என்ற ஆறு தலைப்புகளில் இந்த புத்தகங்கள் வெளியாகின. வாசகர்களின் வரவேற்பும் நன்றாகவே இருந்தது. இதுவரை மினிமேக்ஸில் இருந்து என்னென்ன புத்தகங்கள் வெளியாகியுள்ளன என்பதைப் பற்றி அடுத்தடுத்த பதிவுகளில் பார்க்கலாம், கொஞ்சம் விரிவாகவே.
பதிப்புலகத்துக்குப் புதுவரவு!
நியூ ஹொரைஸன் மீடியா. கடந்த ஐந்து ஆண்டுகளாக தமிழ், மலையாளம் மற்றும் ஆங்கில மொழிகளில் புத்தகங்களை வெளியிட்டுவரும் நிறுவனம். இதன் தமிழ் பதிப்புகளுள் ஒன்றான 'கிழக்கு பதிப்பகம்' தமிழ் வாசகர்களின் பரவலான கவனத்தையும் நம்பிக்கையையும் பெற்ற பதிப்பகம். கிழக்கு பதிப்பகத்தில் இருந்து இதுவரை நானூறுக்கும் மேற்பட்ட புத்தகங்கள் பல்வேறு துறைகளில் இருந்து வெளியாகியுள்ளன.
கிழக்கு தவிர மேலும் சில பதிப்புககளும் நியூ ஹொரைஸன் மீடியாவில் இயங்கின்றன. 'வரம்', 'நலம்', 'தவம்', 'Prodigy' என்ற வரிசையில் தற்போது புதிய வரவாக வந்துள்ளது MiniMax.
க்ரெளன் சைஸில் எண்பது பக்க அளவில் அறிமுகமாகியிருக்கும் மினிமேக்ஸ் நூல்கள் எதைப்பற்றியெல்லாம் பேசுகின்றன?
அடுத்த பதிவில்.
கிழக்கு தவிர மேலும் சில பதிப்புககளும் நியூ ஹொரைஸன் மீடியாவில் இயங்கின்றன. 'வரம்', 'நலம்', 'தவம்', 'Prodigy' என்ற வரிசையில் தற்போது புதிய வரவாக வந்துள்ளது MiniMax.
க்ரெளன் சைஸில் எண்பது பக்க அளவில் அறிமுகமாகியிருக்கும் மினிமேக்ஸ் நூல்கள் எதைப்பற்றியெல்லாம் பேசுகின்றன?
அடுத்த பதிவில்.
இந்தியாவின் தலையெழுத்து யார் கையில்?
நாட்டையே உலுக்கியெடுக்கும் அளவுக்கு ஒரு சம்பவம் நிகழ்கிறது என்று வைத்துக் கொள்ளுங்கள். உடனே அதைப் பற்றிய செய்திகள் செய்தித்தாள்களின் முதல் பக்கத்தை ஆக்ரமித்துக் கொள்கின்றன. ஒளி ஊடகங்களில் முதல் பதினைந்து நிமிடங்களைப் பிடித்துக் கொள்கின்றன. இதெல்லாம் எத்தனை நாளைக்கு? இரண்டு நாள். மூன்று நாள். மிஞ்சிப் போனால் ஒரு வாரம். பிறகு அது விஷயமாக ஏதேனும் பரபரப்பான சங்கதிகள் வெளியே வந்தால் மீண்டும் அது தொடர்பான செய்திகளைப் பார்க்கமுடியும். இல்லாவிட்டாதல் அத்தோடு தீர்ந்தது கதை.
அந்தச் சம்பவம் ஏன் நடந்தது? எதற்காக நடந்தது? யாரால் நடத்தப்பட்டது? அதன் சாதக, பாதகங்கள் என்ன? இவற்றைப் பற்றியெல்லாம் முழுமையான, நியாயமான, ஆதாரபூர்வமான பதிவுகள் எதுவுமே வருவதில்லை. இது அச்சு ஊடகம், ஒளி ஊடகம் எல்லாவற்றுக்குமே பொருந்தும். ஆழ்ந்து அலச விருப்பமில்லாமல் பரபரப்புக்காக வெறும் நுனிப்புல் மேய்வதில் எல்லோருமே ஆர்வம் செலுத்தினால் நிஜமான, முழுமையான பதிவுகளை யார் செய்வது?
0
இந்தியாவின் தலையெழுத்து யார் கையில் இருக்கிறது? வாக்காளர்கள் கைகளிலா? இல்லை. நீங்கள் ஒப்புக்கொண்டாலும் மறுத்தாலும் இந்தியாவின் எதிர்காலம் அரசியல் கட்சிகளின் கைகளில்தான் இருக்கிறது. எனில், அந்த அரசியல் கட்சிகளின் வரலாறு என்ன? அவர்களுடைய சித்தாந்தங்கள் என்ன? குறிக்கோள்கள் என்ன? இதுபோன்ற விஷயங்களுக்கு ஏதேனும் பதிவுகள் இருக்கின்றனவா என்று தேடினால் நிறைய தென்படுகின்றன. இங்குதான் சிக்கலும் தட்டுப்படுகிறது.
அரசியல் கட்சிகளின் வரலாறு என்பது அந்தந்த கட்சியைச் சேர்ந்த அபிமானிகள் அல்லது அனுதாபிகளால் எழுதப்பட்டுள்ளது. அவர்களுடைய உள்மனத்தின் கட்டளைகளுக்கு ஏற்பவே வரலாறைப் பதிவு செய்யவேண்டிய நிர்பந்தம் அவருக்கு. விளைவு, நியாயமான, முழுமையான வரலாறு என்பது வாசகனுக்குக் கிடைக்காமலேயே போய்விடுவதற்கான வாய்ப்புகள் அதிகம். எனில், அப்படிப்பட்ட பதிவுகளை யார் செய்யப்போகிறார்கள்?
அந்தச் சம்பவம் ஏன் நடந்தது? எதற்காக நடந்தது? யாரால் நடத்தப்பட்டது? அதன் சாதக, பாதகங்கள் என்ன? இவற்றைப் பற்றியெல்லாம் முழுமையான, நியாயமான, ஆதாரபூர்வமான பதிவுகள் எதுவுமே வருவதில்லை. இது அச்சு ஊடகம், ஒளி ஊடகம் எல்லாவற்றுக்குமே பொருந்தும். ஆழ்ந்து அலச விருப்பமில்லாமல் பரபரப்புக்காக வெறும் நுனிப்புல் மேய்வதில் எல்லோருமே ஆர்வம் செலுத்தினால் நிஜமான, முழுமையான பதிவுகளை யார் செய்வது?
0
இந்தியாவின் தலையெழுத்து யார் கையில் இருக்கிறது? வாக்காளர்கள் கைகளிலா? இல்லை. நீங்கள் ஒப்புக்கொண்டாலும் மறுத்தாலும் இந்தியாவின் எதிர்காலம் அரசியல் கட்சிகளின் கைகளில்தான் இருக்கிறது. எனில், அந்த அரசியல் கட்சிகளின் வரலாறு என்ன? அவர்களுடைய சித்தாந்தங்கள் என்ன? குறிக்கோள்கள் என்ன? இதுபோன்ற விஷயங்களுக்கு ஏதேனும் பதிவுகள் இருக்கின்றனவா என்று தேடினால் நிறைய தென்படுகின்றன. இங்குதான் சிக்கலும் தட்டுப்படுகிறது.
அரசியல் கட்சிகளின் வரலாறு என்பது அந்தந்த கட்சியைச் சேர்ந்த அபிமானிகள் அல்லது அனுதாபிகளால் எழுதப்பட்டுள்ளது. அவர்களுடைய உள்மனத்தின் கட்டளைகளுக்கு ஏற்பவே வரலாறைப் பதிவு செய்யவேண்டிய நிர்பந்தம் அவருக்கு. விளைவு, நியாயமான, முழுமையான வரலாறு என்பது வாசகனுக்குக் கிடைக்காமலேயே போய்விடுவதற்கான வாய்ப்புகள் அதிகம். எனில், அப்படிப்பட்ட பதிவுகளை யார் செய்யப்போகிறார்கள்?
Subscribe to:
Posts (Atom)